ISANG TULA

IKAW NA BA?

ni: Yari

Sino ka ba na laging gumigising sa tulog kong isipan?

Na ginagambala ang puso kong nalulumbay?

Sino ka ba na sumasagi sa aking balintataw?

Ikaw ba'y kayang abutin ng aking pananaw?

Ang aking pusong minsan ng inulila

Ng isang pag- ibig na puno ng ligaya

Ikaw ba ang siyang magdudulot ng saya?

Sana'y ikaw na, ikaw na ba?

Minsan sa aking pagtulog aking napanaginipan

Na ako'y iyong kasama sa iyong pamamasyal

Ang hindi ko mawari ay ang kahulugan

Na anino mo lamang ang aking nasilayan.

Pinilit kong alamin ang anyo mong inaasam

Ngunit bigo akong kita'y mamasdan

Nang ikaw ay magpaalam upang lumisan

Wala akong magawa kundi ang mangulila.

Sa aking paggising lungkot ang kapiling

Pilit na binabalikan ang lumisang panaginip

Puso'y sumisigaw, nagtatanong pilit

Sino ka ba? Ikaw na ba?